A ría de Lires está formada pola desembadura do río Castro, formando o límite natural entre o municipio de Cee e o municipio de Muxía.
É a ría máis pequena de Galicia, con un enorme encanto natural, paisaxístico e ornitolóxico. A súa estratéxica situación xeográfica, no extremo occidental do continente europeo, fai dela punto de paso obrigado para multitude de aves mariñas, e isto, unido a que se trata tamén dunha ruta secundaria para un importante número de aves terrestres, fai desta zona un enclave ideal para os buscadores de rarezas e aves escasas, entre as que destacan as de procedencia norteamericana, siberiana e sahariana.
Serve así de refuxio a numerosas aves acúaticas e mariñas entre as que se poden atopar exemplares de Garza Real, Corvo Mariño Grande, Lavanco, Asubiador, Pato Frisado ou Pato Rabilongo, Garzota Grande, Bilurico das Rochas, e os abundantes Láridos ou Gaivotas.
Destaca ademáis a variedade de gaivotas, con ata 15 especies notificadas e a presenza regular de polo menos 9 especies durante a invernada. Falamos das Gaivotas Patiamarelas, Gaivotas Choronas, Gaivotas Escuras, Gaivotón, Gaivota Cabecinegra, Gaivota Cana e Gaivota Arxéntea Europea, así como a inexcusable presenza anual da Gaivota Polar e a Gaivota Hiperbórea, que crían en latitudes circumpolares. A visita de orixe neártica da Gaivota do Delaware, practicamente presente todos os anos, e a Gaivota Arxéntea Americana, ou a rarísima Gaivota Alegre. E incluso, aproveitando os fortes temporais, excepcionalmente recala na praia algunha peláxica como a Gaivota Tridáctila.
É indubidable a fermosura do enclave paisaxístico da ría de Lires, presentando un entorno tranquilo lonxe da presencia do home onde as mareas van modificando a paisaxe dúas veces ao día, con vistas diferentes cada vez que pasamos por ela. Poden observarse bancos areosos e lamacentos intermareales, marismas e pasteiros salinos atlánticos e continentais, chairas cubertas de auga na baixamar, pequenas manchas de bosques aluviais, e prados húmidos seminaturais de herbas altas.
QUÉ FACER
Un agradable paseo á sombra das árbores bordeando a ría de Lires, que conduce desde a aldea de Lires ata a praia onde encontrarás unha das mellores vistas panorámicas da Costa da Morte.
Neste paseo poderás observar e fotografiar, ademáis, unha importante variedade de especies de aves.
E cando cando a marea está baixa, como a auga queda a altura dos pés, poderás cruzar de maneira doada, segura e rápida, da praia de Lires á praia de Nemiña.
A ría de Lires atópase a uns poucos metros de LiresCa!
